Waneciria!
Wanageria gutarania!
Ciuria ciembebaine
Ungiendwo Gigikuyu

Mwendwo Wanjiku….
Rubaru rwa ngoro yakwa
Winyerekia waku
Ungucagia hakuhi nawe
Marashi maku
Munungire ndumaga iniuruini
Gutheka gwaku
Gwicokegira ndi toro
Kio giaku
Nyonaga mutumia ngatha ari we
Unyaukite kuri riua rikiratha
Githemithu giaku
Kinyorokete kwi ngilathi
Tuika wakwa Wanjiku
Matha nanii gugikia
Koma nanii gugituka

Itikira tuthii Rware
Ona Mukurwe wa Nyagathanga ngutware
Mugunda uikurukaga iria, uki na mai
Gitina ona kimwe ndukarima
Thithino itu tuhuranage
Mbeca cigiuka naiyu naiyu
Tukomage tuthekete
Ngurumo itu iihuire mbembe
Niguthakira ngoro yakwa mwendwa
Angi othe ni muingi wa gatheru
We wiki
Gikeno kia ngoro yakwa.

© christine njeri